Geri Odeme Siyaseti

Alınan xidmət geri qaytarılmır. Ödəniş etməzdən əvvəl qərarınızı dəqiq verin.

Hostinq, VPS, fiziki server və domen üzrə ödənilən məbləğlər şərti qaydada geri qaytarılmır. Səbəb odur ki, sifariş verildiyi andan xidmət bizə birbaşa xərc çəkdirir və həmin xərc geri alına bilmir:

  • Domen , qeydiyyat və ya yenilənmə anında məbləğ registrə ödənilir. Registr bu ödənişi geri qaytarmır, ona görə biz də qaytara bilmirik.
  • Hostinq paketi , serverdə sizin üçün ayrılmış resursdur və bütün müddət üzrə əvvəlcədən bizim tərəfimizdən ödənilir.
  • VPS və fiziki server , ayrılan avadanlıqdır. Quraşdırıldığı gündən bizə hesablanır, siz ondan istifadə etsəniz də, etməsəniz də.
  • SSL sertifikatları və lisenziyalar , hər xidmət üçün ayrıca alınır və geri qaytarılmır.

Ona görə sifarişdən əvvəl paketin resurslarını, seçdiyiniz müddəti və server lokasiyasını diqqətlə yoxlayın. Şübhəniz varsa, əvvəlcə bizə yazın , sizə uyğun paketi birlikdə seçmək yanlış paketə pul ödəməkdən qat-qat yaxşıdır.

Geri ödəmə mübahisəsiz yalnız iki halda tətbiq edilir:
(a) ödədiyiniz xidməti təqdim edə bilməmişiksə , təqdim edilməyən hissənin məbləği qaytarılır;
(b) eyni xidmət üçün iki dəfə ödəniş alınıbsa , təkrar məbləğ qaytarılır.

Bu iki haldan kənar hallar bizim mülahizəmizlə həll olunur və geri ödəməyə ümid bağlamaq düzgün deyil. Mümkün olduqda geri ödəmə əvəzinə paketin dəyişdirilməsini və ya məbləğin balansınıza köçürülməsini təklif edirik.

Bu geri ödəmə siyasəti, Hostinq.az tərəfindən geri qaytarılma imkanı təqdim edilən xidmətlərə şamil olunur. Müəyyən xidmət kateqoriyaları üçün əlavə və ya xüsusi şərtlər tətbiq oluna bilər.

Ümumi Qaydalar

  • Eyni xidmət üçün yalnız bir dəfə geri ödəmə tətbiq edilə bilər.
  • Geri ödəmə üçün xidmət əvvəlcə müştəri tərəfindən ləğv edilməlidir.
  • Əgər xidmət Hostinq.az tərəfindən ləğv edilibsə, geri ödəmə tətbiq olunmur.
  • Ödənişlər Epoint sistemi vasitəsilə həyata keçirilir və sistem birbaşa PashaBank ilə işləyir.
  • Təsdiqlənmiş geri ödəmələr 10 iş günü ərzində həyata keçirilir.

Kampaniya və Pulsuz Domen Şərtləri

  • Kampaniya çərçivəsində pulsuz domen təqdim edilibsə və müştəri xidməti ləğv edərsə, domenin standart satış qiyməti geri qaytarılacaq məbləğdən çıxılır.
  • Əgər geri qaytarılacaq məbləğ domen qiymətindən azdırsa:
    • müştəri fərqi ödəməlidir və ya
    • domen hüququndan imtina etməlidir.
  • Domen hüququndan imtina edildiyi halda domenin mülkiyyəti Hostinq.az-a qaytarılır.

Valyuta və Ödəniş Qaydaları

  • Bütün geri ödəmələr ödəmənin edildiyi valyutada həyata keçirilir.
  • Valyuta məzənnəsində baş verən dəyişikliklərdən yaranan fərqlər Hostinq.az tərəfindən qarşılanmır.
  • Geri ödəmələr yalnız Epoint üzərindən, ödənişin edildiyi bank kartına qaytarılır.
  • Ödəniş sistemi tərəfindən tutulan emal (komissiya) haqları geri qaytarılan məbləğdən çıxılır.

Xüsusi Şərtlər

Domen Xidmətləri

  • Domen qeydiyyatı, yenilənməsi və bərpası üçün edilən ödənişlər geri qaytarılmır.
  • Domen aktiv edilməsə və ya ləğv edilsə belə, ödəniş geri verilmir.
  • Yalnız Hostinq.az tərəfindən baş vermiş domen transfer xətaları zamanı məbləğ istifadəçi hesabına kredit kimi əlavə edilə bilər.

Veb Hostinq Xidmətləri

Aşağıdakı xidmətlər üçün geri ödəmə imkanı mövcuddur:

  • Paylaşdırılmış Hostinq
  • Reseller Hostinq
  • VPS Xidmətləri

Bu xidmətlər alış tarixindən etibarən 14 gün ərzində ləğv edilərsə və paket 30 gün geri qaytarma təminatı ilə təqdim olunubsa, geri ödəmə Hostinq.az tərəfindən qiymətləndirilərək həyata keçirilə bilər.

Geri Qaytarma Əhatəsinə Daxil Olmayan Hallar

  • Paketə daxil olmayan əlavə xidmətlər
  • Domen qeydiyyatına dair ödənişlər
  • SSL sertifikatları (xüsusi olaraq qeyd edilməyibsə)

Qaytarılmayan Xidmətlər

Aşağıdakı xidmətlər üçün geri ödəmə tətbiq edilmir:

  • G Suite və e-poçt yenilənmələri
  • Domen qeydiyyatı və domen bərpa haqları
  • SSL sertifikatları
  • Ayrılmış (Dedicated) IP ünvanları
  • Fiziki serverlər
  • Endirimli və kampaniyalı paketlər

Geri Ödəniş Tələbi Proseduru

Geri ödəmə tələbi üçün müştəri dəstək komandamızla əlaqə saxlamalı və aşağıdakı məlumatları təqdim etməlidir:

  • Geri qaytarma tələbinin səbəbi
  • İstifadəçi məlumatları:
    • istifadəçi adı
    • domen adı
    • əməliyyat (transaction) kodu
    • alış tarixi
  • Dəstək komandamız tərəfindən tələb edilə biləcək əlavə məlumatlar